Kauna-unahang Mega Jackpot Winner sa Wowowin.

S i Shayne Pauli Anne Jones ay isa sa maraming pilipinong nangangarap na makasali sa Programang Wowowin sa GMA Network na hino-host ni...

Si Shayne Pauli Anne Jones ay isa sa maraming pilipinong nangangarap na makasali sa Programang Wowowin sa GMA Network na hino-host ni Kuya Willie Revillame.

Tuwang tuwa si Shayne ng makatungtong siya sa intablado ng Wowowin. Isa si Shayne sa mga pinalad na makapasok sa audition. Nakapaglaro si Shayne sa Wowowin at nilabas niya ang kanyang kakulitan ng kausapin siya ni Kuya Willie. 

Naging mahirap din ang naging pagsubok ni Shayne upang manalo sa pakikipag-tagisan ng memorya sa pag hula ng titulo ng kanta sa pamamagintan lang ng pagdinig sa tunog ng instrumento. Hanggang sa umabot sa punto na pareparehas na sila ng puntos ng kanyang dalawang katunggali. Ang makasagot sa kanilang tatlo sa pangatlong tanong ang siyang maglalaro sa jackpot round. Naipanalo ni Shayne ang round na iyon at siya ang naglalaro sa Jackpot Round.

Noong August 8, 2016 ay pinalabas ang paglalaro ni Shayne sa programang wowowin at napanalonan niya ang Mega Jackpot. Hindi lubos makapaniwala si Shayne at ang kanyang Nanay sa napakalaking bibiya na kanilang natanggap sa araw na iyon. Halos humandusay sa sahig si Shayne ng buksan ni kuya Wil ang kahon na ang laman ay Mega Jackpot.

Nanalo na si Shayne ngunit meron paring kulang ayon sa kanya, dahil gusto niyang makita, makasama at mayakap ang kanyang ama na isang foreigner. Dahil simula noong pinanganak siya ay iniwan na sila ng kanyang ama. Kaya naman hindi pa nakikita o nakikilala ni Shayne ang kanyang ama. Kwento ng Nanay ni Shayne iniwan sila noong pitong buwan siyang buntis kay Shayne.

Mahirap ang buhay nila Shayne dahil sa relocation site lang sila nakatira at natatakot ang nanay ni Shayne sa kanilang lugar dahil marami ang nakatambay at nag-iinoman sa kalsada. Dahil tuwing nadaan Si Shayne sa kanilang lugar ay palagi siyang sinisipulan. Kaya lubos lubos ang pasasalamat ng mag ina ng sila ang manalo ng mega jackpot, dahil makakalipat na sila ng bahay.

Si Shayne ngayon ay kalog, makulit at humble. Hindi nagbago ang makulit na Shayne, kahit na siya ang naging kauna-unahang nega jackpot winner sa wowowin.

Siya ngayon ay rumaraket sa pagkanta sa mga okasyon at sumasali sa mga patimpalak na pwede niyang salihan.