Humor Amidst Crisis: Palitan ng mga mensahe ng dalawang Gobernador, Trending!

photo source: Facebook            D ahil sa kinahaharap na coronavirus pandemic ngayon sa buong mundo, naging seryoso ang lahat sa ...


photo source: Facebook

          Dahil sa kinahaharap na coronavirus pandemic ngayon sa buong mundo, naging seryoso ang lahat sa pagharap sa problemang ito: pinaigting ang lahat ng mga check points at preventive safety measures sa bawat mamamayan ng iba’t ibang bansa, pagpapadala ng mga medical supplies sa mga ospital at mga food packs sa mga taong naka-home quarantine, at ang pagpapalawak na maikalat sa publiko ang tama at lehitimong mga impormasyon tungkol sa nagaganap sa kani-kanilang paligid. Halos lahat ng mga tao sa kasalukuyan ay gumagalaw upang maiwasan ang pagdating ng mas mabigat na suliranin.
            Subalit, maliban sa pagtalima sa mga programang makatutulong sa pag-iwas sa COVID-19 ay nagagawa pa rin ng mga Pilipino na magkaroon ng katuwaan sa gitna ng kinahaharap na krisis ngayon. Isa na nga rito ang trending posts ng dalawang gobernador na “nagsagutan” online tungkol sa check points na isinasagawa sa kani-kanilang lugar.

            Nag-post kasi si Governor Jonvic Remulla, gobernador ng Cavite, tungkol sa kung paano siya hindi pinalagpas sa check point mula Barangay Inchikan, Silang papuntang Nuvali. “Bawal daw” ang sabi ng hepeng nakaistasyon sa nasabing lugar – at wala raw ang “werpa” ni Remulla sa check point na iyon. Dahil dito’y “sinulatan” niya ang gobernador naman ng Laguna na si Governor Ramil Hernandez.
            Sinabi niyang tandaan daw ni Hernandez na likas daw ang yabang at tapang nilang mga Kabitenyo. Ikinumpara pa nga niya ang mga pangalan ng bayan ng kanilang lugar sa lugar ni Hernandez:
            “Ang mga taga-Laguna, mga maka-diyos. Tingnan mo pangalan ng mga bayan mo: San Pedro, Santa Cruz, Sta. Rosa. Kami dito: General Trias, General Aguinaldo, General Mariano Alvarez. Nilikha kami sa digmaan.”
            Tila “pinagbantaan” pa nga niya ang gobernador ng Laguna. Huwag niya lang daw marinig na tatawid ito ng SLEX papuntang Maynila. Magtatayo raw siya ng checkpoint sa Carmona para raw hindi ito makatawid. Dapat din daw umikot sa Rizal si Hernandez upang maramdaman din daw niya ang nararamdaman ng mga kababayan ni Remulla.
            Tinapos niya ang kaniyang online letter sa pahayag na “Iyong dating kaibigan, Gob. Jonvic.”
          Ngunit sa hulihang bahagi ng nasabing liham ay sinabi niyang “joke” lang ang mga sinabi niya! Sabi pa ni Remulla, “Even governors observe quarantine procedures. Dapat lahat tayo.”
         
photo source: Facebook


   At hindi naman nagpatalo ang mga taga-Laguna! Sa kaniya ring Facebook post, tila “sinagot” naman ni Gov. Hernandez ang “bukas na liham” ni Gov. Remulla. Nabasa niya raw kasi ito at mayroon siyang kasagutan:
            “Kapag may ulan o bagyo, lagi mo akong inuunahang magdeklara ng walang pasok. Kaya lagi akong naba-bash ng mga masisipag pumasok dine sa amin kahit mahina naman ang ulan dito sa Laguna. Ngayon, ‘wag mo naman sanang masamain na ako naman ang nauna na nagdeklara ng Total Lockdown.”
            Ipinapanalangin daw ng mga taga-Laguna ang kaligtasan ng lahat. Sabi pa ni Hernandez kay Remulla, “Pahiram naman ng mga mandirigma mo diyan para sa matitigas ang ulo dine sa amin.”
            At kung pa-pogi-an lamang daw ang pag-uusapan, mas matangkad lang daw si Remulla ayon kay Hernandez. Mga tao na lamang daw ang magsasabi kung kaninong gobernador ang mas pogi.
            Tinapos ni Hernandez ang kaniyang “liham” sa pahayag na, “Ang iyong kapit lalawigan, GOV. RAMIL.”
            Sa huling bahagi ng online letter na ito ng gobernador ng Laguna, sinabi niya ring “joke” lang din daw ang lahat ng iyon. Nagpasalamat pa nga ito kay Remulla dahil sa kaniyang pang-unawa.
            Patunay lamang ito na sa likod ng seryosong mukha ng mga pinunong nangunguna sa gitna ng krisis na ito ay ang kanilang masayahing pag-uugali upang mabawasan naman ang bigat na nadarama ng kanilang nasasakupan.



photo source: Facebook


source: Facebook

COMMENTS

Name

Entertainment,621,Food,8,Food & Travel,4,Furr,4,Health,30,News,409,Showbiz,135,Tips,15,Travel,2,World,48,
ltr
item
Furry Category: Humor Amidst Crisis: Palitan ng mga mensahe ng dalawang Gobernador, Trending!
Humor Amidst Crisis: Palitan ng mga mensahe ng dalawang Gobernador, Trending!
https://1.bp.blogspot.com/-1zfYkyR8duA/XoJgvq8d3aI/AAAAAAAACKk/LbJ0yBAXDzY6-yiyeYmFIbB9dafLtlwKgCNcBGAsYHQ/s1600/sino%2Bnga%2Bba%2Bang%2Bmas%2Bpogi_.png
https://1.bp.blogspot.com/-1zfYkyR8duA/XoJgvq8d3aI/AAAAAAAACKk/LbJ0yBAXDzY6-yiyeYmFIbB9dafLtlwKgCNcBGAsYHQ/s72-c/sino%2Bnga%2Bba%2Bang%2Bmas%2Bpogi_.png
Furry Category
https://www.furrycategory.com/2020/03/humor-amidst-crisis-palitan-ng-mga.html
https://www.furrycategory.com/
https://www.furrycategory.com/
https://www.furrycategory.com/2020/03/humor-amidst-crisis-palitan-ng-mga.html
true
1554150277128160871
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy