Sa viral post ni Analyn Paco-Marco, nakuhanan niya ang isang naka-unipormeng estudyante na nasa labas ng paaralan, habang bitbit ang mga panindang sit
 |
| Mga larawan mula sa ABS-CBN News |
Sa taong may pangarap, gagawin ang lahat matupad lang ang
mga inaasam na mithiin. Anumang balakid sa buhay ay kayang tawirin, maabot lang
ang natatanging pangarap. Ang ilan sa atin, nagpupursigi at nagtitiyaga,
matustusan lang ang sarili para makapag-aral.
Sa viral post ni Analyn Paco-Marco, nakuhanan niya ang
isang naka-unipormeng estudyante na nasa labas ng paaralan, habang bitbit ang
mga panindang sitsirya at iba pang pagkain.
Sa kanyang post, mababasa ang ganito, “I saw this student
of a Community College in Albay, walking after class, bitbit ang kanyang mga
paninda. I can’t help but to get inspired people like him. When you see people
working hard for their future, nakakahiya mag-reklamo na ang hirap ng buhay.”
Dagdag pa niya, “To those students na ang hilig
mag-complain na ang hirap mag-aral, petiks mode lang, be thankful na hindi kayo
nahihirapan maghanap pampaaral sa inyo. Ang suwerte niyo, PROMISE.”
Kinilala ang nakunang estudyante bilang si Christian Mark
Magistrado, 28, na mula sa Albay at isa siyang 3rd Year student na
may kursong Bachelor of Secondary Education.
Ayon kay Magistrado, inilalako niya ang kanyang mga
panindang pagkain sa mga estudyante rin mismo ng Daraga Community College, sa
tuwing siya’y pumapasok sa umaga hanggang alas-9 ng gabi.
Sa pagsapit naman ng gabi, sa pagtatapos ng kanyang
klase, ay didiretso naman siya sa pinapasukang gasolinahan bilang gasoline boy
hanggang alas-5 ng umaga.
Ibinabahagi ni Magistrado ang kanyang mga kinita sa
kanyang nanay, tulong sa pandagdag ng pagkain ng kanyang pamilya at sa
pantustos sa pag-aaral ng nakababatang kapatid.
Namayapa na raw kasi ang kanilang ama, kaya doble ang
kanyang pagkayod sa pagtitinda at sa pagsa-sideline bilang gasoline boy.
Dahil sa kanyang sipag, humanga at proud ang kanyang mga
guro, lalo na si Helen Mesa. Hindi raw kasi napapabayaan ni Magistrado ang
kanyang pag-aaral kahit na subsob din siya sa trabaho.
Pahayag ni Mesa, “As a student imagine working day and
night and preparation of the instruction materials is very impossible for him
working 8 hours a day and attending his classes pero still an excellent student
in terms of performance in the school.”
Narito naman ang buong pahayag ni Analyn:
I saw this student of a Community College in Albay, walking after class, bitbit ang kanyang mga paninda. I can't help but to get inspired people like him.
When you see people working hard for their future, nakakahiya mag-reklamo na ang hirap ng buhay. I am still blessed that I have a Mom, a Lola, Uncle Steve and relatives who helped me finish my degree.
Every new day is a blessing, to make it better than yesterday. To those students na ang hilig mag-complain na ang hirap mag-aral, petiks mode lang, be thankful na hindi kayo nahihirapan maghanap pampaaral sa inyo.
Ang suwerte niyo, PROMISE. And to this man na nasa picture, malayo mararating mo (hindi sa paglalakad at pagtitinda. God Bless You.
COMMENTS