Source: Metro Showbiz youtube Kilala si Gerald Anderson bilang isa sa mga sikat na aktor. Naging sikat si Gerald matapos lumabas ...
 |
| Source: Metro Showbiz youtube |
Kilala si Gerald Anderson bilang isa sa mga sikat na aktor. Naging sikat si Gerald matapos lumabas sa PBB House. At dito na nga nagsimula ang pag-angat ng kanyang karera. Nakagawa na rin siya ng mga teleserye tulad ng “Sana Maulit Muli”, “Tayong Dalawa”, at “Budoy”. Bumida na rin siya sa mga pelikula tulad ng “Always Be My Maybe” at “On The Job”.
Pinag-usapan ng marami ang kanyang showbiz career, at nakadagdag dito ang kuwento ng kanyang love life.
Ayon sa ibang source, si Shy Farina Rankle ay nakarelasyon niya noong taong 2005. Walang masyadong detalye tungkol sa kanila subalit makikita sa mga larawan ang kanilang pagiging sweet.
Sunod dito ay si Kim Chiu. Taong 2006 nang mabuo ang tambalang “KimErald” sa ‘Bahay ni Kuya’. Wala raw official announcement sa publiko patungkol sa pagiging opisyal na couple ng dalawa. Pero ang sinasabi ng ilan na 2009 naging mas open si Kim tungkol sa kanilang relasyon sa tuwing tinatanong ng press. Naghiwalay sina Kim at Gerald noong 2010, isang malungkot na balita para sa mga solid supporters ng kanilang tandem.
Ang sinasabing rason sa breakup ng KimErald: si Bea Alonzo. Subalit itinanggi naman ito ng kampo ni Bea, maging ni Gerald. Sinasabing pumasok lamang si Bea sa eksena nang hiwalay na ang dalawa. Naging official sina Bea at Gerald noong April 2010, ngunit naghiwalay rin noong November 2010. Nang maghiwalay, nagkaroon daw sila ng kasunduan na kapag dumating ang panahon na ayos na ang lahat at nagawa na nila ang gusto nilang gawin, ay baka puwede na nilang simulan ulit ang kanilang love story.
Taong 2011, napabalitang nagkakamabutihan na sina Gerald at Sarah Geronimo sa pelikulang “Catch Me, I’m In Love.” Na-inlove raw ng husto ang Pop Star Princess kay Gerald, iba raw kasi ang glow nito kapag nababanggit ang aktor. Ngunit lumabas na lamang sa balita na natigil na ang panunuyo ni Gerald kay Sarah. Ilan lamang sa mga dahilan ay ang pagharang ni Mommy Divine, pagiging hindi handa ng singer, at ang panibago umanong “apple of the eye” ng aktor.
Si Miss Universe 2015 Pia Wurtzbach ay na-link din kay Gerald nang gawin nila ang pelikulang “My Perfect You.” Subalit, in a relationship ang dalawa: si Pia kay Marlon Stockinger, at si Gerald kay Bea.
Taong 2016 nang magkaroon ng movie sina Bea at Gerald, pero walang detalye kung nagkabalikan na sila. October 2017 naman nang magkasama silang um-attend ng Star Magic Ball, at dito na umusbong ang balitang mag-on na sila ulit. March 2018 nang mapansin ng netizens na in-unfollow ni Bea si Gerald at Pia. Ang sabi ng aktor sa isang interview na ang rason dito ay isang malaking misunderstanding. Ngunit, kumalat ang mga tsismis na break na ang dalawa nang mag-post si Bea tungkol sa cheating. Ang huling na-link sa aktor ay si Julia Barreto. Nagkasama ang dalawa sa pelikulang “Between Maybes”. Iniintriga tuloy na third party si Julia sa break up nina Gerald at Bea. Lumaki ang intriga nang makita ang dalawa sa birthday party ni Rayver Cruz.
Source: Metro Showbiz youtube
COMMENTS