Umingay muli ang pangalan ni Xander Ford, na nakilala noon bilang si Marlou Arizala, sa social media matapos niyang ipakilala sa publiko ang taong nag
 |
| Source: Xander Ford / Facebook |
Umingay muli ang pangalan ni Xander Ford, na nakilala noon bilang si Marlou Arizala, sa social media matapos niyang ipakilala sa publiko ang taong nagpapasaya raw sa kanya ngayon.
Subalit, may lumabas na isang babaeng nagpakilala bilang girlfriend ng boyfriend ni Ford, at nagsalitang dapat niya nang itigil ang panggagamit ng ibang tao upang may maipagmalaki sa publiko.
Matatandaan kasing nagkaroon ng “big revelation” si Ford
sa kanyang social media account – kung saan sinabi niyang kabilang siya sa mga
miyembro ng LGBTQ+ Community.
Ibinunyag niya ito matapos niyang mag-post sa kanyang
Instagram account kung saan ipinakita niya ang kanyang suporta sa mga miyembro
nito, at pagkatapos ay saka niya inamin ang kanyang totoong “gender preference”
kalakip ang isang rainbow emoticon.
Ayon sa post ni Ford, “Being
one of them is not a crime.”
Ang rebelasyong ito ni Ford ay umani ng iba’t ibang
reaksyon mula sa mga netizens; ang iba pa nga ay pinagkatuwaan pa at pinagtawanan
lamang ang kanyang pahayag. May ilang netizens naman ang nagsasabing nais
lamang kunin ni Ford ang atensyon ng publiko.
Samantala, naging trending topic din si Ford sa Twitter
nang i-post niya ang kanyang litarato kasama ang isang lalaking ipinakilala
niya bilang kanyang boyfriend.
Subalit, sa isang Facebook post ng isang Samantha Nicole,
na kalaunan ay d-in-elete lang din agad, maraming mga netizens ang
naka-screenshot sa nasabing post na siya namang kumalat agad sa Twitter.
Ayon sa post ni Nicole, “BAKLA BAKLAAN!”
Dagdag pa niya sa kanyang post, “HINDI KO NA TALAGA KAYA ANG PANLOLOKO MO SA MGA TAO XANDER FORD. HINDI
KO NA DIN KAYA ANG PANG GAGAMIT MO SA BOYFRIEND KO. HINDI KO NA MATIIS NA
MAKITANG KASAMA KA NIYA PARA LANG MASABI NA BAKLA KA, PARA MASABING SIKAT KA!”
Inamin din ng dalaga na hindi raw totoong bakla si Xander
at ginagamit niya lamang daw ang boyfriend niyang ito upang makakuha lang ng
popularidad mula sa madla. Ayon pa rin sa kanya, mas maganda na lamang daw na
s-um-urrender na lang si Ford bago pa umabot sa korte ang nasabing issue.
“HINDI KO NA KAYA
ANG KAKAPALAN NG MUKHA MO, MANGGAGAMIT KA NG TAO PARA MATANGGI ANG KASALANANG
GINAWA MO. ANG KAPAL NG MUKHA MO!”
Ibinunyag din ni Nicole na ginagamit daw ni Ford ang
kanyang Facebook account kaya hindi na raw niya ito ma-access. Hinamon niya
naman ang internet sensation na magpakalalaki raw ito at huwag nang manira ng
buhay ng ibang tao.
Pag-amin pa ni Nicole, “HINDI KO NA KAYA, MAG SASALITA NA AKO. LAHAT PINIPILIT KONG ITAGO PERO
MAKITA KO LANG ITONG PICTURE NA ITO, PARA AKO BINABANGUNGOT. KUNG AYAW MO MA
KULONG WAG KA MANGGAMIT NG IBANG TAO PARA MAPAGTAKPAN LAHAT.”
Inilabas din ng dalaga ang kanyang matinding galit sa
kanyang boyfriend na pumayag umanong magpagamit kay Ford. Tinanong niya rin ito
kung tuluyan na bang “nalason” ni Ford ang kanyang utak.
“XANDER FORD, IBALIK
MO NA BOYFRIEND KO!!!! KAPAL NG MUKHA MO JECK VELASCO. ANO NA NILASON KA NA
NIYAN NI XANDER?? ANO NA JECK??”
Agad namang nag-viral online ang nasabing post ni Nicole.
Maraming mga netizens ang nagsasabing baka sinusubukan lamang ni Xander na
amining parte siya ng LGBTQ community upang takasan ang rape case na isinampa
laban sa kanya ng kanyang ex-girlfriend. Matatandaan kasing dumulog sa programa
ni Raffy Tulfo ang kanyang dating kasintahan upang ireklamo si Ford matapos daw
siyang saktan nito at piliting makipagtalik sa kanya.
COMMENTS