Source: Google Images Isa si Angel Locsin sa pinakamagagaling na aktres sa industriya. Maliban sa angking kagandahan, marami rin ang huma...
 |
| Source: Google Images |
Isa
si Angel Locsin sa pinakamagagaling na aktres sa industriya. Maliban sa angking
kagandahan, marami rin ang humahanga sa kanya dahil sa taglay niyang kabutihan.
Ngunit ano nga ba ang tunay na kuwento ng pinakapaboritong Darna ng masa?
Siya
ay si Angelica Colmenares sa totoong buhay. Hindi nga raw niya inakalang
mapupunta siya sa industriya ng showbiz.
Sa isang interview, kinuwento niyang isa lamang siyang estudyante na nautusang dumaan sa grocery store sa isang mall at dito na nga siya nakita ng isang talent scout. Hindi nga raw siya makapaniwalang puwede pala ang kanyang itsura sa showbiz. Ang alam niya lang daw noon ay amoy chlorine siya at tuyot na tuyot ang kanyang buhok dahil sa kaka-training ng swimming. Miyembro kasi si Angel ng UST Swimming Team.
Para
makatulong sa pamilya, pumayag siya sa alok ng talent scout na nakakita sa
kanya sa mall. Nagsimula siya sa mga TV commercials, at naikuwento pa nga niya
na P30,000 ang pinaka-una niyang sahod.
Taong
2001 nang tuluyan nang pinasok ni Angel ang industriya. Miyembro siya ng Star
Circle Batch 9, pero hindi natuloy ang kontrata niya sa ABS-CBN.
Nagsimula
ang suwerte ni Angel noong 2002 matapos siyang maging miyembro ng youth
oriented show na “Click” sa GMA
bilang si “Charley” na agad minahal ng mga manonood. Sinundan ito ng “Mulawin” matapos siyang mapili ng
management na gumanap bilang “Alwina.” Pumatok nga sa publiko ang naging
tambalan nila ni Richard Gutierrez sa nasabing progama. Ang tambalang
“ChardGel” ay nakagawa pa ng mga pelikula.
Si
Angel din ang isa sa mga gumanap sa iconic role na “Darna.” Nabigyan nga niya ng hustisya ang Filipino superhero at
hanggang ngayon, siya pa rin ang kinikilalang “Darna” ng lahat. Sa katunayan,
nagtala ito ng isa sa pinakamataas na rating sa telebisyon. Isa si Angel sa
nagtayo ng bandera ng GMA noong 2004 hanggang 2007.
Noong
Agosto 2007, napabalitang umalis na si Angel sa GMA, kung saan isa sa
pinakapinag-usapan ng mga tao ay ang paglipat niya sa ABS-CBN. Maraming fans
nga raw ang nagtampo at maging ang TV executives ng Kapuso network ay
nadismaya. Umabot pa nga raw sa puntong b-in-oy-cott ng GMA ang mga TV ads na
ini-endorse ni Angel.
Ang
pinaka-unang proyekto ni Angel sa Kapamilya network ay ang “Lobo” kung saan katambal niya rito si
Piolo Pascual. Mataas ang naging rating ng naturang palabas at nominated pa si
Angel sa International Emmy Award for Best Performance of an Actress. Bukod kay
Piolo, naipareha rin siya kina John Lloyd Cruz at Sam Milby.
Tinutukan
nga ng madla ang mga naging proyekto ni Angel sa ABS-CBN. Sa ngayon, 19 taon na
siya sa mundo ng showbiz at patuloy pa rin ang kanyang karera.
Source: Google Images
COMMENTS