Melai Cantiveros, sinurpresa ang asawang si Jason ng bagong Pick-up Truck

Source: Melason Official/Youtube “Best gift ever” ang ibinigay ng komedyante at host na si Melai Cantiveros sa kaniyang asawang si Jason Fra...

Source: Melason Official/Youtube

“Best gift ever” ang ibinigay ng komedyante at host na si Melai Cantiveros sa kaniyang asawang si Jason Francisco nitong Pasko.

           Sa kanilang latest vlog na ini-upload nito lamang Lunes, ipinakita ni Cantiveros sa kaniyang fans kung paano niya sinurpresa ang kaniyang asawa sa kaniyang regalong “dark blue pickup truck.”

           Ani Cantiveros, “Grabe kong [itinago] ito. Ito talaga ang masasabi niyang ‘the best gift ever’ dahil matagal niya itong pinangarap. At ang color nito ay the best for him. So I’m sure na magugustuhan niya ito.”

Mapapanood nga sa kanilang vlog ang iba’t ibang strategy na kanilang ginawa para lamang hindi mahalata ni Francisco ang padating na sorpresa. Ilang sandali pa’y ibinigay na sa kaniya ang “deliver” na susi ng sasakyan.

           Pag-amin naman ni Francisco, “Noong isang araw nakakatunog na ako.”

           Nang tinanong siya ng kaniyang kabiyak kung masaya siya sa kaniyang natanggap, sagot ni Francisco, “Wala akong masabi… happy. Thank you.”

           Nagdiwang ng kanilang ikapitong wedding anniversary ang “Melason” nito lamang nakaraang buwan.

           Matatandaang unang nakilala ang dalawa sa “Pinoy Big Brother” house noong 2009 season. Ikinasal sila noong December 2013 at sa kasalukuyan ay mayroon silang dalawang anak na babae – si Amelia “Mela” Lucille, 6, at si Stela Rosalind, 3.