“Overweight” na FoodPanda Deliver Rider, Nabawasan ng 4 na kilong timbang matapos mag-bike kaysa mag-motor sa kanyang pagdedeliver

Source: Harian Metro Isa sa mga problema ng karamihan ang pagkakaroon ng labis na timbang. Lalo pa sa panahon ngayon kung saan madalas laman...

Source: Harian Metro

Isa sa mga problema ng karamihan ang pagkakaroon ng labis na timbang. Lalo pa sa panahon ngayon kung saan madalas lamang tayong nasa bahay at wala masiyadong ginagawang “physical activities.” Minsan, sa pagiging overweight ng isang tao, nagkakaroon siya ng iba’t ibang uri ng mga sakit.

Ngunit sa kabila ng nararanasang krisis ng mundo, isa rin itong oportunidad upang gumawa ng mga bagay na maaaring makapagpabago sa buhay ng isang indibidwal.

Isang FoodPanda rider ang nakahanap ng trabaho ngayong may pandemya at idagdag pa rito na sa wakas ay nakapagbawas na rin siya ng timbang.

Source: Harian Metro

Apat na kilo na ang nabawas sa timbang ni Siti Khadijah Suhaimi mula nang siya ay magtrabaho bilang isang FoodPanda rider. Hindi siya gumagamit ng motor bilang sasakyan, sa halip ay gumagamit siya ng bisikleta. Dati siyang nagtatrabaho bilang part-timer sa isang hotel at sa isang fast food chain.

Nawalan daw ng trabaho ang 29 taong gulang na rider noong Hulyo dahil sa pandemya. Nais niya raw talagang mamuhay nang hindi nakadepende sa kanyang mga magulang kahit na ang mga ito ay may pinagkakakitaan.

Para kay Suhaimi, mahirap talagang makahanap ng trabaho sa panahon ngayon at ito ay isang napakalaking pagsubok para sa kanya. Mabuti na lamang dahil natanggap siya bilang FoodPanda rider kung saan siya gumagamit ng bisikleta.

Source: Harian Metro

Aminado naman si Suhaimi na siya ay overweight at nahirapan daw talaga siya noong una dahil sa dami ng kailangan niyang i-deliver, ngunit siya ay nagsumikap.

Hindi umano niya iniisip ang hirap ng trabahong pinasok niya, lalo na ang pagbibisikleta. Iniisip na lamang niya na ang kanyang ginagawa ay isang paraan upang siya ay makapag-ehersisyo.

Pagbabahagi pa niya, “In the beginning, I was embarrassed but I fought off my feelings and thought as positively as I could about all of this. Plus, I lost 4 kgs of my body weight after cycling to deliver orders.”

Source: Harian Metro